ChatGPT í yfirburðastöðu á Íslandi
Ný könnun Gallup fyrir Almannaróm sýnir í fyrsta sinn hvaða gervigreindartól landsmenn nota á íslensku. ChatGPT ber höfuð og herðar yfir önnur mállíkön meðal almennings en tæp 90% Íslendinga sem nota slík tól velja ChatGPT.
- 89%
ChatGPTþeirra sem nota gervigreindarspjallmenni á íslensku nota ChatGPT
- 12%
Claudeþeirra sem nota gervigreindarspjallmenni á íslensku nota Claude
- 96%
Google Translateþeirra sem þýða með gervigreind yfir á íslensku nota Google Translate
Google Translate24.sætií vélþýðingakeppninni WMT 2025. Utan topp 20 af 33 kerfum.
Í hvað nota Íslendingar gervigreind og máltækni á íslensku?
Vélþýðingar og spjallmenni eru komin í mjög víðtæka notkun meðal almennings. Mun færri nota tól eins og villuleiðréttingar og raddstýring á íslensku er afar lítið notuð – enda sú tækni þar sem íslensk virkni er komin styst í erlendum lausnum.
Vélþýðingar og spjallmenni orðin almenn en raddstýring nánast ónotuð
Hlutfall svarenda sem nota gervigreind eða máltækni á íslensku við hvert verkefni
Flestir í ChatGPT en fáir í Claude
Meðal þeirra sem nota gervigreindarspjallmenni á íslensku nota tæp níu af hverjum tíu ChatGPT. Þar á eftir kemur Gemini, sem 28% þeirra sem nota mállíkön nýta sér. Aðeins 12% þeirra sem nota slík líkön nota Claude.
Tæp níu af hverjum tíu nota ChatGPT
Hvaða gervigreindarspjallmenni notar þú á íslensku? Fleiri en eitt svar leyft
Hvaða tól verða fyrir valinu?
Á flestum sviðum virðist eitt tól hafa náð mestri almennri notkun meðal íslenskra notenda. ChatGPT er efst bæði þegar kemur að notkun mállíkana og leit með gervigreind og nær allir sem nota vélþýðingar fyrir íslensku nota Google Translate. Villuleiðrétting sker sig reyndar úr; þar eru stóru mállíkönin og íslensku tólin Skrambi og Málfríður notuð í svipuðum mæli.
ChatGPT og Google Translate í forystu, íslensk tól sterk í villuleiðréttingu
Súlurnar sýna hlutfall þeirra sem nota viðkomandi tegund tóla á íslensku, ekki allra svarenda.
Mjói borðinn sýnir hve stór hluti allra 814 svarenda er í grunninum. Fleiri en eitt svar leyft.
Sérstaka athygli vekur hve vel Google Translate stendur meðal almennra notenda þrátt fyrir að margfalt betri vélþýðingartól séu í boði fyrir íslensku í dag. Það sést vel í WMT (opnast í nýjum flipa), stærstu vélþýðingakeppni heims, þar sem atvinnuþýðendur meta árlega íslenskar þýðingar kerfanna.
Gemini efst og íslenska lausnin Erlendur næst í vélþýðingum á íslensku
* Netþýðingarvélar eru nafnlausar í WMT-skýrslunni. Almennt er talið að vélin ONLINE-G sé Google Translate. Hún raðaðist í 24. sæti af 33 í sjálfvirku forvali.
Mat atvinnuþýðenda á þýðingum úr ensku á íslensku, kvarði 0–100. Fimm efstu vélarnar
Árið 2025 mældist Gemini 2.5 Pro efst í vélþýðingarkeppninni og íslenska lausnin Erlendur frá Miðeind í öðru sæti (WMT25 (opnast í nýjum flipa)). Google Translate komst hins vegar ekki í hóp þeirra 19 kerfa sem sérfræðingarnir mátu sérstaklega; lenti í 24. sæti.
Í sérhæfðum prófum sem Árnastofnun smíðaði fyrir sömu keppni, á hugtökum úr EES-samningnum og íslensku íþróttamáli, var íslenska lausnin Erlendur áfram í fremstu röð, í öðru og þriðja sæti.
Þjónustuspjallið fer fram á íslensku
Þegar fólk notar þjónustuspjallmenni fyrirtækja og stofnana gerir það það nær eingöngu á íslensku. Gæði íslenskunnar í þessum lausnum skipta því miklu máli fyrir gæði þjónustunnar sem fyrirtækin veita.
Þjónustuspjallmenni eru notuð á íslensku, nánast aldrei á ensku
Fólki er ekki sama
Rúm 62% segja að það skipti sig miklu máli að geta notað tækni og gervigreind á íslensku. Hlutfallið hefur haldist stöðugt í þremur mælingum Almannaróms frá því um haustið 2025.
62% segja það skipta sig miklu máli að geta notað gervigreind á íslensku
Hversu miklu máli skiptir það þig að geta notað tækni og gervigreind á íslensku?
Aðferðafræði
Nánar um gögnin, úrtakið og aðferðirnar að baki mælingunum.